【沒有第一桶金，你的步調不是跑，只是爬。】

坊間有好多理財大師都教人要量入為出，管理好自己的收入，盡快儲到第一桶金，作為投資之用。當中的大道理，真的要細心咀嚼，理解固中原理。

以前有位名人講過，如果你能夠去少幾次日本遊遊，幾年之後，儲下來的錢是相當可觀，到時就能夠好好運用。這段言論惹來一陣的論戰，但個人認為這番話雖然難接受，但卻好真實咁講出一個道理，就係你要先用資本才能投資理財，能夠理財才能有機會資本增值。

所以，沒有資本，何來理財？如果你連第一桶金都沒有，你只能單臂單腳咁走路，快極有個譜。別人有資金，就可以兩條腿走路，甚至坐火車去第二度玩都仲得。到時唔係比較起跑線既問題，而係比較速度的問題。

再具體啲講，何謂一條腿走路？即是你只能靠主動收入去維持生活支出。例如你要靠工資去應付日常開支，亦同時間要用工資去對抗通脹，所以一般打工仔的儲蓄力較低，因為真係一闊三大，你唔食，其他人都要食。而且主動收工的操控性比較低，可以改變的事情是相對少的。

所以，有好多有經驗的前輩都教年青人要盡快儲蓄，不要月月清光，歲歲樂窮，要在後生的時候，家庭負擔無咁重的時候，盡快儲起第一桶金，將為將來投資之用，創造被動收入。到時有主動收入，又有被動收入，就好似左右腳咁，一齊行又得，甚至跑亦得。所以別人的語重心長，不要輕視。

殘酷啲講，如果你未能盡快儲起第一桶金，年青時還可以行，但隨年紀漸大，將來老時財富增速只能是爬，甚至是倒退。古語都有講：「少壯不努力，老來徒傷悲。」也是很有道理的。