最近，我係youtube 上睇左一段由羅伯持清崎拍的訪問，講到窮人同富人的分別，點解有錢人可以繼續有錢，而窮人就無辦法上流呢？呢個問題我相信好多人都想知道，而清崎大師就俾左個答案我地，就係思維。
對於錢、財富、現金流、資產同債務，羅伯特清崎係『窮爸爸、富爸爸』一書講得好清楚。簡單啲講資產就係可以創造現金流的投資，而債務即是要取現金流作補貼的項目。
作者話好多人打工都係為左應付帳單，所以工資變成了佢地唯一的收入。如果無左收入，債務就無辦法可以還了。但係富人的思維就去諗點樣可以買多啲資產，去增加自己收入，減少債務，直至財務自由。
佢當年就係金融海嘯的時候，問銀行貸款左三億美金去買美國的房地產，直到依家佢已經擁有七千套物業，每月創造無數的現金流，再去投資不同的資產。所以有錢人永遠都去諗點樣增加資產，而窮人就永遠去諗點樣應府債務。
而有兩個問題我近幾年都好疑惑，香港樓價咁高，究竟係資產的債務呢？另外，如果呢個世界個個國家都係咁印銀紙，以債務生存，咁我手上的鈔票咪俾你地年年月月日日貶值，變相即係搶我啲錢者？
我真係唔識經濟，但覺得依家個個國家都量寬救經濟，咁最後邊個找數呢？我諗最後都係人民自己找數。真係可憐，又可悲！
米餅仔手記 