米餅仔手記

最近香港的天氣陰晴不定，時雨時雷，令人不自覺地變得傷春悲秋，也想起了這半年來疫情對我、或者身邊人的影響，希望大家還安好！回想起這半年，感覺自己正經歷一個經濟大時代。體會過這次海嘯風暴，經驗必然有所增長，也知道不幸遇上了。所以分享幾點自己的最近的體會！

一：新聞消息股評，也不代表巿場

經過今次大時代，發覺大部分的新聞消息，其實都沒作用，也不代表巿場。無論經濟數據多好或多壞，也不會影響巿場，反而政府的力量，貨幣的供給，才是能夠影響巿的洪荒之力。所以基本分析，在貨幣供給的影響下變得作用不大。投資變得更短線，投資也變得愈投機！

二：疫情令經濟轉型更快更急更劇烈

一個疫情，令很多大企業措手不及，也轉不及身。反而很多新經濟的企業變成了逆巿奇葩，包括騰訊、美團、Zoom、Google、Amazon、Microsoft等等。業務不受影響之餘，反而有所增長。另外，很多企業認識到企業彈性的重要性，在家工作、移動工作室、視像會議、彈性工作時間，原來在疫情下變得相當重要。一場疫症，不單改變了我們的生活，也改變了很多企業的文化！

三：疫情令人變得疏遠、也變得親密經歷疫症，大家都試過在家隔離。在家日子多了，與家人相處的時間多了，磨擦不知不覺增加了，關係反而變得疏遠。但疫症也變相令很多人放下工作，重拾家庭樂，與父母小朋友的相聚的時間多了，也讓人發現家庭的重性，凡事也有得有失。疫症令經濟變壞了，大家生活或多或少受了影響。但疫症下，大家更應守望相助，互相支持，不要被恐懼及困難打倒。今天或許很難過，明天可能更痛苦，後天可能跌落深淵，但總要相信將來會變回好的！大家加油！互勉之！

之前講過其實第一桶金好重要，所以每個人都要努力係年青的時候去儲備足夠的彈藥，去購入優質的資產，創造被動收入，從而令財富增值。而資本的累積係要時間的，通常不能夠立桿見影，一蹴即就的。

所以好似之前咁講，要盡早積累資本去購入優質資產，從而創造更多收入。而最重要係如果你無第一桶金，或者第一筆資本，你好難可以將時間價值兌現成資本而去再投資，積累更多本錢。

常言道：「時間就係金錢！」但其實點解時間就係金錢呢？其實每個人都係自己時間銀行的銀長，上天每日都會將$86400元存入你既銀行戶口，但每一日都會結算，用唔曬的錢只能自動放棄。而明天會再有$86400元存入你戶口，同樣地都是即日結算，無得留低。

其實呢$86400元就係你每日既時間，無論任何人都可以好公平地得到呢筆錢。可惜好多人都選擇放棄唔運用，任由佢自動流失。相反，有啲人會好積極去管理同善用，用行動去兌現金錢的價值。例如賣時間俾人，去換取工資，去創造主動收入。

但你有無想過時間呢個概念亦同時應用係投資上面？當你拒絕去賺取第一桶金，創造第一筆的資本，你永遠得唔到兌現時間價值的機會和入場卷。你每天都放棄了$86400的時間值，而別人因買入優質資產而能夠兌現到呢$86400元，你地既差距就會愈來愈遙遠，財富距離就愈來愈大，這就造成了貧富懸殊的其中一個原因。

總括黎講，主動同被動收入都有其時間值，你一日唔去管理同善用，上天就會毫不留情地收回，人人亦然，相當公平公正。所以為了爭取兌換時間值的入場卷，每個人只能夠盡早儲夠本錢去做適切的投資，兌現時間金錢。

股巿升升跌跌，其實無一個人可以完全估中股巿的升跌，原因係風險係無法預計，所以只可以預測趨勢，制定策略，以求趨吉避凶。而小編就之前聽過三個基本分析方法，同大家分享下

1. 基本分析

基本分析係投資必學亦係必需的分析。基本分析係分析宏觀經濟環境、營商及行業分析、生產及需求、消費者信心、就業數據、政府政策等等的數據及循環，以求預早制定措施，防止經濟過熱及衰退。而所有投資資產，包括股票、債券、貨幣同硬資產（房地產、黃金、石油、貴金屬同農產品等等）都需要了解經濟循環，因為資產一定受大環境影響，所以投資之前係需要詳細了解身處的經濟周期，往後有機會再詳細講解。

2. 資金流

資金流其實係這十年內最影響經濟環境的因素，而且同資產巿場同實體經濟息息相關，密不可分。因為十年前美國要救自己經濟，實施量化寬鬆政策，引致全球資金泛濫，令到全球的房地產及股巿都升到歷史新高。加上各國央行都學美國咁一遇經濟衰退就以貨幣政策救巿，令全球債務上升都一個隨時爆發的水平。所以資金流成為左這十年最主要的因素影響股巿，無論長短期的巿況，一有資金流入，股巿就會上升，所以點解明明經濟面臨衰退都跌唔落，而且仲會彈成一千點，上上落落咁。

3. 巿場信心

可能你覺得信心好抽象，但投資者信心係對未來經濟的一種預期，而且係經濟體系建構的核心原素(即係所有野都係講個「信」字），當信心消失，經濟就會崩潰。而且巿場信心景氣或恐懼都好影響股巿，就算合理價格都無信心入巿。而美國的VIX指數就係反映投資者信心的數字，大家可以參考下。

其實日日係大巿上講既技術指標其實係最後先分析，因為係當你選好巿場、行業、資產類別同個股後，先會去睇技術指標，決定出入巿的時機。

好多人都知道要理財，但又唔係好識咩叫做理財同點樣去做理財。可能每天記下帳，記錄下自己洗幾多錢，就算係理左財，過了自己心底個關，個人會變得舒服啲！

但問題來了，其實點先做理財？其實呢啲知識坊間都有好多人講過，教過，是老生常談，聽左好多理財知識，但又唔係好識應用係日常生活當中！

當然我都唔係一個上左岸既人士，仍然日日係度學習緊新的財務知識，都希望可以盡快跳出呢個現實版大富翁遊戲。但原來現實中有好多因素會影響你的理財質素，例如心理、性格、時勢、投資產品等等，係比枱上個副大富翁難好多、好多、好多（重要既說話要講三次）。

但難都要硬著頭皮學，唔係因為愛，亦唔係責任，係因為窮。所以我地講理財之前，一個要先講下你有咩財務目標先？你無目標，就可以射箭無個靶，踢波無個龍咁，唔使玩。不過個人認為雖灰每個人都有不同財務目標，但大致都有以下呢兩個目標：

第一個當然係財富增值啦！我諗應該無人係想財富貶值掛！財富增值係可以計劃出來的！好多人會透過投資物業、股票、債卷、車位去增值自己的財富，亦同時避免因通脹而侵蝕財富。但現實版大富翁教曉我地的，財富除了可以增值，另一方面亦可以貶值的，所以投資也取決於既時機。

第二個就係財務自由啦！要做到財務自由，最簡單定義就係被動收入大過支出，你就可以放監啦！恭喜恭喜！而所謂被動收入就係你唔需要付出，都可以收到收入，就叫做被動收入。所以大家都好努力去搵主動收入，希望有一天可以財務自由，唔使再辛苦去搵錢，被動地收錢，也保障自己同家人的生活質素。

我覺得呢兩個誘因係最重要，所以吸引到好多人去學習理財知卜識，去管理自己和自己的資產，一步步做到財務自由。

下次講下理財有咩先決條件，係咪人人想理財，但人人都可以理財呢？